«Испанчик» кезекті жеңісіне қол жеткізді,

Қазақстанда өткен OCTAGON 88 турнирінде өзбекстандық файтер әрі блогер Бобиржон «Испанчик» Исроилов кезекті жеңісіне қол жеткізді, деп хабарлайды Prosports.kz.

Жартылай жеңіл салмақта өткен жекпе-жекте Исроилов түрікменстандық Езиз Дурдоевпен кездесті. Бірінші раундта қарсыласын нокдаунға жіберген өзбекстандық спортшы үш раунд қорытындысы бойынша төрешілердің бірауыздан шығарған шешімімен жеңіске жетті.

Айта кетелік, OCTAGON 88 турнирінің басты жекпе-жегінде уақытша BMF белбеуі үшін тәжікстандық Камариддин Хасанов пен өзбекстандық Одилхон Камолов кездеседі. Ал ко-мейн ивентте қазақстандық Нұржан Ақышев өзбекстандық Бобур Абдулазизовпен күш сынасады.