«Барыс» Рыбакинаны құттықтады

«Барыс» қазақстандық теннисші Елена Рыбакинаны әлемнің бірінші ракеткасы атануымен құттықтады, деп хабарлайды Prosports.kz.

«Еленаны тарихи жетістігі – әлемнің бірінші ракеткасы атануымен құттықтаймыз! Жаңа белес және бүкіл Қазақстан үшін үлкен мақтаныш!» – делінген клубтың құттықтауында.

Елена Рыбакина US Open-2026 турниріндегі сәтті өнерін жалғастыруда. Қазақстандық теннисші ширек финалда Чжэн Циньвэньмен кездесіп, матч барысын өзгертіп, үш сетте 3:6, 6:1, 6:4 есебімен жеңіске жетті.

Бұл жетістік Рыбакина үшін бірден бірнеше себеп бойынша тарихи мәнге ие. Ол мансабында алғаш рет АҚШ ашық чемпионатының жартылай финалына шықты. Сонымен қатар келесі WTA рейтингі жаңартылғаннан кейін әлемдік рейтингте бірінші орынға шығатынын мерзімінен бұрын қамтамасыз етті.

Осылайша, Елена Рыбакина әлемдік теннистің бірінші ракеткасы атанған 30-шы теннисші болады.